ការប្រកួតពានរង្វាន់សម្តេចតេជោ ហ៊ុន សែន រដូវកាល ២០២០ វគ្គ១/៤ផ្តាច់ព្រ័ត្រ នឹងត្រូវដំណើរការបន្តទៀត នៅជើងទី២ នាថ្ងៃទី០៧ និងថ្ងៃទី០៨ ខែតុលា ឆ្នាំ២០២០ បន្ទាប់ពីសម្រាកជាច្រើនសប្តាហ៍កន្លងមកខណៈដែលភ្នំពេញក្រោនត្រូវជួបក្រុមម្ចាស់ផ្ទះគិរីវង់សុខសែនជ័យនៅកីឡដ្ឋានខេត្តតាកែវ។
ការប្រកួតជើងទីមួយនៅកីឡដ្ឋាន Smart RSN ក្រោនបានយកឈ្នះគិរីវង់២ទល់១ហើយជើងទីពីរនេះពួកគេមានការលំបាកបន្តិចត្បិតអីត្រូវលេងលើទីលានដែលលំបាក។ ខ្សែការពារស្លាប សួន នឿតបាននិយាយក្នុងវេបសាយរបស់ក្លិបថា៖
« សម្រាប់ការប្រកួតនៅថ្ងៃស្អែកនេះ ខ្ញុំគិតថាវាអាចជាការប្រកួតលំបាកមួយព្រោះយើងលេងក្រៅដី ដែលទីលានមានការពិបាកនៅទីនោះ ប៉ុន្តែពួកយើងតែងតែត្រៀមខ្លួនជានិច្ចសម្រាប់ការប្រកួតនេះ » ។
« កីឡាករសំខាន់ៗរបស់យើងមួយចំនួនមានបញ្ហារបួស អញ្ចឹងវាក៏ជាបញ្ហាមួយដែរ តែខ្ញុំនៅតែជឿជាក់ថាក្រុមយើងអាចធ្វើបានល្អដើម្បីឈានទៅវគ្គបន្តទៀត » ៕