ក្លិបបាល់ទាត់ភ្នំពេញក្រោនបានប្រកាសក្នុងវេបសាយផ្លូវការរបស់ខ្លួនពីការចែកផ្លូវគ្នាជាមួយខ្សែប្រយុទ្ធសញ្ជាតិនីហ្សេរីយ៉ា Esoh Paul Omogba នៅព្រឹកនេះ។
មែនទែនទៅ! កីឡាករវ័យ២៦ឆ្នាំរូបនេះអវត្តមានជាមួយភ្នំពេញក្រោនតាំងពីចូលជុំទី២ពានរង្វាន់ Cambodian League ២០២០មកម្លេះប៉ុន្តែពេលនេះក្លិបមិនទាន់ប្រកាសផ្លូវការ។ខ្សែប្រយុទ្ធសញ្ជាតិនីហ្សេរីយ៉ា វ័យ២៦ឆ្នាំរូបនេះ បានចូលរួមជាមួយក្រុមភ្នំពេញក្រោន កាលពីខែធ្នូ ឆ្នាំ២០១៩ ដោយបង្ហាញខ្លួនបាន១១លើក រកបាន៣គ្រាប់នៅក្នុងការប្រកួតលីគកំពូលកម្ពុជា ។
គេមិនទាន់ដឹងថាអតីតខ្សែប្រយុទ្ធបឹងកេតនិងណាហ្គាវើលរូបនេះ ផ្ទេរទៅលេងនៅទីណានោះទេ ខណៈរូបបាត់មុខពីក្រោនអស់មួយរយៈមកហើយ ស្របពេលលីគកំពូលកម្ពុជាក៏ជិតចប់ទៅហើយដែរ៕