Gareth Bale បានសម្រេចការផ្ទេរនៅលក្ខខណ្ឌខ្ចីជើង ពីក្លឹប Real Madrid មកកាន់ក្លឹបចាស់ Tottenham Hotspur កាលពីពេលថ្មីៗ ហើយមុននេះគេបានបង្ហើបអំពីមូលហេតុចម្បងនៅពីក្រោយការមកចូលរួមនៅក្លឹបក្នុងទីក្រុងឡុង។
នោះគឺដោយសារលោក Jose Mourinho ដែលជាកត្តាចម្បងសម្រាប់ Bale។ បុរសសញ្ជាតិវែលនិយាយថា៖ “Mourinho បាននិយាយជាមួយខ្ញុំអំពីតំណែងដែលគាត់ចង់ដាក់ឲ្យខ្ញុំលេង ហើយខ្ញុំពិតជារីករាយនឹងរឿងនោះខ្លាំងណាស់”។
លោកបន្ថែមទៀតថា៖ “Mourinho គាត់ជាហេតុផលដ៏ធំមួយ ដែលខ្ញុំត្រលប់មកទីនេះ ដោយគាត់ជាមេគ្រួសារនិងជាអ្នកឈ្នះ ហើយគាត់សក្តិសមបំផុតសម្រាប់ការដឹកនាំ Tottenham ព្រោះយើងត្រូវការឈ្នះពានរង្វាន់ ណាមួយទៀតគាត់ដឹងច្បាស់ពីវិធីធ្វើឲ្យបានល្អប្រសើរបំផុតជាងនរណាទាំងអស់”។
គួរបញ្ជាក់ថា Bale កាលពីរដូវកាលចាស់នៅ Real Madrid គេបង្ហាញខ្លួនបាន ២០ ប្រកួត តែជាង ១ ២៦០ នាទីនៃការឈរជើងលើទីលាន និងរកបាន ៣ គ្រាប់+Assist ២ លើកឲ្យក្លឹប៕ ប្រភព៖ BeSoccer