កម្មវិធី <<ប្រកួតមិត្តភាពសប្បុរសធម៌>> លើកទី ៣ របស់ក្រុមបាល់ទាត់ CFA ក្នុងគោលដៅជួយដល់ប្អូនស្រី វ៉ែង ចាន់រ៉ា បានបញ្ចប់ទៅកាលពីថ្ងៃម្សិលមិញនេះ។
ជាមួយការចូលរួមដ៏ច្រើនកុះករពីសប្បុរសជន បងប្អូនអ្នកស្នេហាវិស័យកីឡាបាល់ទាត់ និងក្រុមបាល់ទាត់ CFA, The Blue Warriors, NIDER FC និងក្រុមស្ទាំងភ្លើងក្មេងវត្តក្តីចាស់ បាននាំឲ្យថវិកាដែលប្រមូលបានសរុបមានរហូតដល់ទៅ ៣ ៨៦៨ ដុល្លារ។
ជាចុងក្រោយតំណាងក្រុមបាល់ទាត់ CFA លោក អៃ សំអូន ក៏បានបង្ហោះសារថ្លែងអំណរគុណជាពិសេសដល់ប្រធានក្លឹបបាល់ទាត់ Visakha Football Club លោកជំទាវ កែ សួនសុភី ដែលបានឧបត្ថម្ភទឹកប្រាក់ជួយប្អូនស្រី វ៉ែង ចាន់រ៉ា ២ ០០០ ដុល្លារ ឯកឧត្តម លី ឡាយ ជំនួយការអាជ្ញាធរជាតិប្រយុទ្ធប្រឆាំងគ្រឿងញៀននិងជាប្រធានអ្នកគាំទ្រក្លឹប វិសាខា ចូលរួមឧបត្ថម្ភរៀបចំកម្មវិធីបាល់ទាត់ពានរង្វាន់សប្បុរសធម៌ ១ ០០០ ដុល្លារ និងចុងក្រោយក៏ថ្លែងអំណរគុណដល់ក្រុមហ៊ុន 2MBET ក៏ដូចជា VEHA Media ដែលចូលរួមចំណែកយ៉ាងសំខាន់ញុាំងឲ្យកម្មវិធីមួយនេះអាចកើតឡើងទៅបាន៕
