ក្រុម Aston Villa សម្រេចបានទិញយកខ្សែប្រយុទ្ធ Ollie Watkins របស់ក្រុម Brentford ហើយក្នុងតម្លៃខ្លួនដល់ទៅ៣៣លានផោនឯណោះ។
ខ្សែប្រយុទ្ធលេងនៅក្របខណ្ឌ Championship ខាងលើនេះ បានហ្វឹកហាត់ជាមួយក្រុម Brentford ជាធម្មតាកាលពីថ្ងៃចន្ទកន្លងទៅ ប៉ុន្តែនៅពេលនេះមានដំណឹងថាក្លឹប Aston Villa ឈានដល់កិច្ចព្រមព្រៀងទិញយករូបគេមករួមក្រុមហើយ។ ក្រុមដែលដឹកនាំដោយលោក Dean Smith កំពុងប្រមូលកីឡាករល្អៗមកពង្រឹងសមត្ថភាពបន្ថែម ត្បិតអីរដូវកាលមុន សឹងតែធ្លាក់ទៅលេងនៅក្របខណ្ឌទី២ទៅហើយ។
ខ្សែប្រយុទ្ធ Ollie Watkins រដូវកាលមុន ក៏សឹងតែអាចជួយក្រុម Brentford ឡើងមកលេងនៅ Premier League ប៉ុន្តែការប្រកួតចុងក្រោយពួកគេចាញ់ក្រុម Fulham ។ កីឡាករវ័យ២៤ឆ្នាំខាងលើនេះ រកបាន២៦គ្រាប់គ្រប់ការប្រកួតទាំងអស់ឱ្យក្រុម Brentford កាលពីរដូវកាលមុននេះ៕ប្រភព Dailymail
