ក្រុម Juventus បានយល់ព្រមលក្ខខណ្ឌផ្ទាល់ខ្លួនជាមួយខ្សែប្រយុទ្ធ Suarez ហើយ ក្រោយពីមានការចរចាគ្នា២លើកកន្លងមកនេះ។
Suarez ត្រូវបានលោក Koeman អ្នកចាត់ការក្រុម FC Barcelona ប្រាប់ឱ្យរកក្លឹបថ្មីលេងទៅ ព្រោះមិនស្ថិតក្នុងគម្រោងដែលលោកប្រើប្រាស់រដូវកាលថ្មីខាងមុខនេះទេ បើទោះជារូបគេនៅសល់កុងត្រាក៏ដោយ។ មើលឃើញដូច្នេះហើយ ទើបបានជាក្រុម Juventus បង្ហាញចំណាប់អារម្មណ៍ភ្លែត និងចង់នាំយករូបគេទៅចាប់ដៃគូប្រយុទ្ធជាមួយកីឡាករ Cristiano Ronaldo ម្ដង។
ប្រភពនៅអ៊ីតាលី បានបង្ហើបថាសាមីខ្លួននិងក្រុម Juventus បានយល់ព្រមលើលក្ខខណ្ឌផ្ទាល់ខ្លួនអស់ហើយ នៅឡើយតែការផ្ទេរជាផ្លូវការប៉ុណ្ណោះ៕ប្រភព Marca