James Maddison ខ្សែបម្រើប្រយុទ្ធរបស់ក្រុម Leicester City បានបន្ដកុងត្រាដល់ទៅ៤ឆ្នាំទៀតឯណោះ ដែលធ្វើឱ្យការចង់បានរបស់ Manchester United ត្រូវរសាត់ទៅហើយ។
Maddison ជាកីឡាករល្អម្នាក់ ហើយរូបគេក៏ជាបេក្ខភាពដែលក្រុមបិសាចក្រហម Man Utd ចង់បានខ្លាំងផងដែរនៅរដូវកាលនេះ។ យ៉ាងណាមិញ ក្រោយពីមានការចរចាគ្នាច្រើនលើកមក ក្រុម Leicester City ក៏សម្រេចបានបំណងរបស់ខ្លួន បន្ដកុងត្រាឱ្យកីឡាករខ្លួន៤ឆ្នាំទៀត ជាមួយតម្លៃពលកម្ម១សែនផោនក្នុង១សប្ដាហ៍។ ជាមួយការបន្ដកុងត្រានហើយ ក៏បានធ្វើឱ្យការចង់បានរបស់ Man Utd លែងមានទៀតដែរ។
កីឡាករជម្រើសជាតិអង់គ្លេសខាងលើនេះ រកបាន៩គ្រាប់ដែរឱ្យក្រុម Leicester City នារដូវកាលនេះ ហើយសឹងតែអាចជួយក្រុមឱ្យមានកៅអីលេងពានរង្វាន់ UEFA Champions League ទៅហើយ៕ប្រភព Dailymail
