ក្លឹបបារាំង Paris Saint-Germain នឹងមិនមានវត្តមាន Keylor Navas នៅតំណែងអ្នកចាំទីនោះទេ នៅការប្រកួតវគ្គ ៤ ក្រុមចុងក្រោយ UEFA Champions League។
ប៉ះក្លឹប RB Leipzig ដែលជាក្រុមទើបបង្កើតថ្មី កំពុងឡើងកូដផងនោះ វាអាចនឹងជាបញ្ហាដ៏ប្រឈមមួយសម្រាប់ក្លឹបយក្សបារាំង។ អ្នកចាំទី Sergio Rico នឹងចូលលេងជំនួសនៅជម្រើសដំបូង ខណៈប្រកួតប៉ះ Atalanta កន្លងទៅ ក៏កីឡាករអេស្ប៉ាញបានបង្ហាញវត្តមានប៉ុន្មាននាទីផងដែរ ពេល Navas របួស។
ក្រៅពីនេះ នៅតំបន់បម្រើ Gueye ក៏មិនទាន់ប្រាកដប្រជា ខណៈដែល Marco Veratti, Thiago Silva និង Layvin Kurzawa គឺពួកគេជួបបញ្ហាខ្លះមែន តែឃើញមានវត្តមាននៅទីលានហ្វឹកហាត់ដដែល។
រំឭកថានេះជាការឡើងមកដល់វគ្គ ៤ ក្រុមចុងក្រោយ ដែល PSG ខកខានធ្វើបានតាំងពីឆ្នាំ ១៩៩៥ មកម្ល៉េះ ហើយលទ្ធផលទស្សន៍ទាយមតិជាច្រើនរំពឹងថា PSG នឹងជួប Bayern នៅវគ្គផ្ដាច់ព្រ័ត្រឆ្នាំនេះ៕
ប្រភព៖ BeSoccer