ក្រុម FC Barcelona បានបង្ហើបថាថ្នាក់ដឹកនាំនឹងដកលោក Setien ចេញពីតំណែងនៅថ្ងៃនេះហើយ និងកំពុងស្វែងរកអ្នកចាត់ការថ្មីមកដឹកនាំក្រុម។ក្រោយពីដឹកនាំក្រុមបាត់ពាន La Liga និងធ្លាក់ចេញពីពានរង្វាន់ UEFA Champions League យ៉ាងអាម៉ាស់ថែមទៀតនោះ ពេលនេះក្រុម Barcelona ត្រៀមដកលោក Setien ចេញពីតំណែងហើយ។ ស្របពេលថ្នាក់ដឹកនាំក្រុមអ្នកមានបុណ្យវិញ ក៏មើលឃើញបេក្ខភាពសក្ដិសមសម្រាប់មកដឹកនាំក្រុមផងដែរ។
ម្នាក់នោះគឺលោក Koeman ដែលកំពុងដឹកនាំក្រុមជម្រើសជាតិហុល្លង់។ បុរសរូបនេះ ជាអតីតកីឡាកររបស់ក្រុម Barcelona ផ្ទាល់តែម្ដង។ ដូច្នេះហើយ គេរំពឹងថាលោកដឹងច្បាស់ពីក្រុម ហើយនឹងអាចដឹកនាំក្រុមទទួលបានជោគជ័យនៅពេលខាងមុខមិនខាន៕
ប្រភព៖ Marca