ក្រុមបិសាចក្រហម Manchester United នឹងត្រូវតតាំងជាមួយក្រុម Sevilla នៅវគ្គពាក់កណ្ដាលផ្ដាច់ព្រ័ត្រពានរង្វាន់ UEFA Europa League ។សម្រាប់ការប្រកួតនេះដែរ លោក Ole អ្នកចាត់ការក្រុម Manchester United មានទំនុកចិត្តថាកូនក្រុមនឹងលេងបានល្អ ត្បិតអីវាជាការប្រកួតសំខាន់ដោយលេងតែមួយជើងប៉ុណ្ណោះ។ ដូច្នេះហើយ ពួកគេត្រូវការផ្ដោតអារម្មណ៍ឱ្យបានល្អបំផុត ព្រោះថាក្រុម Sevilla ក៏ជាក្រុមខ្លាំងមួយដែរនៅអេស្ប៉ាញ។ អ្វីដែលពិសេសទៀតនោះ ពួកគេជាក្រុមដែលជោគជ័យណាស់ក្នុងការប្រកួតពានរង្វាន់ Europa League នេះ។
អ្នកចាត់ការវ័យក្មេងរបស់បិសាចក្រហម ថែមទាំងបញ្ជាក់ទៀតថាការប្រកួតនៅ Europa League នេះ មិនមែនត្រឹមតែដណ្ដើមពាននោះទេ ដោយបានចាត់ទុកវាជាការប្រកួតកម្ដៅសាច់ដុំ និងមើលសមត្ថភាពក្រុមថែមទៀតផង ដើម្បីត្រៀមរដូវកាលក្រោយ។ លោក Ole មើលឃើញថាក្រុមត្រូវការកម្លាំងថ្មីបន្ថែមទៀត ទើបអាចប្រជែងពានរង្វាន់ជាមួយក្រុមដទៃទៀតបាននៅរដូវកាលក្រោយ៕