លោក Zidane មិនពិបាកចិត្តឬបន្ទោសកូនក្រុមឡើយ បើទោះជាបរាជ័យក្រោមថ្វីជើងក្រុម Manchester City ក្នុងលទ្ធផល ៤-២ គិតតាំងពីរជើងនៅ UEFA Champions League ក៏ដោយ។
អ្នកចាត់ការដែលទើបដឹកនាំក្រុមចាញ់លើកដំបូងវគ្គចាញ់ធ្លាក់នៅ UEFA Champions League ខាងលើបាននិយាយក្រោយចប់ការប្រកួតថា៖ “ពេលយើងចាញ់ អ្នកមិនអាចសប្បាយចិត្តបានទេ ប៉ុន្តែយើងត្រូវតែមានមោទនភាពចំពោះអ្វីដែលយើងធ្លាប់បានធ្វើ។ យើងអបអរគូប្រកួតរបស់ ព្រោះពួកគេធ្វើបានល្អ។ យើងបានចាញ់ទាំងពីរប្រកួត ប៉ុន្តែរឿងសំខាន់គឺខ្ញុំមោទនភាពចំពោះក្រុមរបស់ខ្ញុំ”។
ក្រុម Real Madrid រដូវកាលនេះ ត្បិតតែធ្លាក់ចេញពីពានរង្វាន់ UEFA Champions League មែន ប៉ុន្តែពួកគេក៏អាចយកពានរង្វាន់ក្នុងស្រុក La Liga ជូនអ្នកគាំទ្របានផងដែរ។ ការបានពានក្នុងស្រុកនេះ គឺល្មមសម្រាប់ឱ្យអ្នកគាំទ្រអធិរាជសពេញចិត្ត និងបន្ដគាំទ្រលោក Zidane ដឹកនាំក្រុមទៀតហើយ៕ប្រភព Marca
