ខ្សែប្រយុទ្ធ Raul Jimenez របស់ក្រុម Wolves កំពុងស្ថិតក្នុងការចរចាទៅលេងឱ្យក្រុម Manchester United នារដូវកាលក្រោយនេះហើយក្នុងតម្លៃខ្លួន២៧លានផោន។
កីឡាករមិកស៊ិកខាងលើនេះ លេងបានយ៉ាងល្អមែនទែននារដូវកាលនេះ ដែលជារដូវកាលទី២របស់ខ្លួននៅ Premier League ។ កីឡាករវ័យ២៩ឆ្នាំនេះ រកបាន២៦គ្រាប់ ក្នុងការបង្ហាញខ្លួន៥៣ប្រកួតកន្លងមកឱ្យក្រុម Wolves តែពេលនេះរូបគេទំនងជាត្រូវចាកចេញពីក្រុមហើយ ក្រោយពីមានក្លឹបធំៗចង់បាន។
ក្រុមបិសាចក្រហមពេញចិត្តទម្រង់លេងរបស់ Jimenez ដែរ ក្រោយពីឃើញលេងរដូវកាលនេះ។ ពួកគេផ្ដល់តម្លៃខ្លួន២៧លានផោន ដើម្បីផ្ដាច់កុងត្រា ហើយចម្លើយមិនទាន់ទទួលបាននោះទេ។ យ៉ាងណាមិញ ក្រុម Wolves បច្ចុប្បន្នបានស្វែងរកខ្សែប្រយុទ្ធដើម្បីជំនួសតំណែងរបស់គេទៅហើយ។ ដូច្នេះហើយ ទើបបានជាការផ្ទេរចេញទៅនោះ អាចនឹងមានភាគរយខ្ពស់៕ប្រភព Dailymail