តាមរបាយការណ៍សារព័ត៌មាន Sky Sport បានចុះផ្សាយថាក្លឹបមេឃខៀវ Man City បានទទួលចម្លើយវិជ្ជមានពីសំណាក់ក្លឹប AFC Bournemouth ហើយ លើការចរចាចង់បានខ្សែការពារ Nathan Ake។
City បានផ្តល់ជូនសំណើទឹកប្រាក់ ៤១ លានផោន ដោយកីឡាករហូឡង់រូបនេះ កន្លងមកធ្លាប់លេងចម្រុះក្លឹបនៅអង់គ្លេសជាច្រើនមានតាំងពី Chelsea, Watford និង Reading ជាដើម។ រដូវកាល ២០១៩/២០ កីឡាករវ័យ ២៥ ឆ្នាំ រកបាន ២ គ្រាប់និង Assist ២ លើកនៅ ៣០ ប្រកួតសរុបឲ្យ Bournemouth។
វាជាដំណឹងភ្ញាក់ផ្អើលមួយ ទាំងសម្រាប់អ្នកគាំទ្រ Man City និងវិស័យបាល់ទាត់ទូទៅ ព្រោះកន្លងមកមិនធ្លាប់លេចលឺចចាមអារ៉ាមណាមួយ ពាក់ព័ន្ធនឹងការចង់បានកីឡាកររូបនេះទាល់តែសោះ។ មានមតិខ្លះក៏ងឿងឆ្ងល់ហើយថា តើមេឃខៀវនឹងទទួលបានផលចំណេញអ្វី ពីការនាំយកខ្សែការពារថ្មីរូបនេះ?
ប្រភព៖ SkySport