តាមរបាយការណ៍ពី TheSun បានចុះផ្សាយថាក្លឹបតោខៀវ Chelsea កំពុងចាប់អារម្មណ៍លើយុវជន Dean Henderson របស់ក្លឹប Man Utd ដោយមានបំណងចង់នាំយកអ្នកចាំទីរូបនេះ មកជំនួសតំណែងដៃទីមួយរបស់ Kepa Arriazabalaga។
បច្ចុប្បន្ន Henderson ជាប់នៅលក្ខខណ្ឌខ្ចីជើងជាមួយ Sheffield ហើយកំពុងស្ថិតក្នុងការពិចារណា ថានឹងត្រូវត្រលប់មក Old Trafford ឬជ្រើសរើសយកផ្លូវបែបណា ក្រោយពេលតំណែងដៃទីមួយនៅ United ក៏បន្តផ្តល់ឲ្យ De Gea ច្បាស់លាស់ដដែលនោះ។
សម្រាប់ស្ថិតិរបស់ Henderson ២ រដូវកាលនៅ Sheffield គឺគេបង្ហាញខ្លួនបាន ៨៦ ប្រកួត ហើយទើបរបូត ៧៨ គ្រាប់ប៉ុណ្ណោះ ដែលសមល្មមឲ្យ Chelsea បាក់ចិត្តចង់បាន។ តោខៀវហ៊ានផ្តល់ជូនសំណើទឹកប្រាក់ ៦០ លានអឺរ៉ូ ឲ្យតែ United ព្រមប្រគល់អ្នកចាំទីអង់គ្លេសរូបនេះមក Stamford Bridge៕
ប្រភព៖ BeSoccer