លោក ម៉ក់ ភារុណគ្រូបង្វឹកឈុត U-18 ភ្នំពេញក្រោនបានលើកឡើងពីភាបរីករាយនិងពេញចិត្តលទ្ធផលរបស់កូនក្រុមខ្លួនដែលបានយកឈ្នះក្រុម U-18 វិសាខាក្នុងលទ្ធផល១ទល់០ក្នុងការប្រកួតពានរង្វាន់យុវជនអាយុក្រោម១៨ឆ្នាំរបស់សហព័ន្ធកីឡាបាល់ទាត់កម្ពុជា។
លោកបាននិយាយថា «សប្តាហ៍នេះខ្ញុំសប្បាយចិត្តដោយកូនក្រុមបានត្រៀម និងធ្វើបានល្អដូចអ្វីដែលយើងបានគ្រោងទុកលើពេលវេលាប្រកួត ប្រព័ន្ធការពារ និងប្រយុទ្ធ»។
«បើគិតលើឱកាសយើងមានច្រើនទាំងលើរបារទី និងរឿងមួយចំនួនផ្សេងទៀតដែលបានធ្វើដូចជាការដាក់សម្ពាធលើគូប្រកួតដោយទទួលបានឱកាសច្រើន។ ប៉ុន្តែចុងក្រោយយើងទទួលបានលទ្ធផល១ទល់០គឺយើងឈ្នះហើយ»។
«រ៉ូហ្សា ទើបជាពីរបួសបានខំប្រឹង និងលេងដើម្បីជួយការពារក្រុម ប៉ុន្តែឥលូវដោយសារទទួលបានកាតក្រហមយើងបានត្រៀមកីឡាករផ្សេងដើម្បីជំនួស និងត្រៀមគោលដៅបន្ទាប់។ យើងបានកែប្រែគាត់ជាមួយកីឡាករម្នាក់ទៀតអំឡុងពេលរបួស និងបានដាក់កីឡាករផ្សេងជំនួស។ ពួកគាត់ក៏មានការយល់ដឹងជាមួយគ្នា ប៉ុន្តែគ្រាន់តែត្រូវសម្របបញ្ជូលគ្នាដើម្បីត្រៀមសប្តាហ៍ក្រោយបន្តទៀត»។
ភ្នំពេញក្រោន ត្រូវការឈ្នះ រឺស្មើជាចាំបាច់នៅការប្រកួតចុងក្រោយជាមួយ U18 អាយអេសអាយ ដង្កោសែនជ័យ ដើម្បីឈានទៅកាន់ជុំទី៣ ក្រោយកំពុងស្ថិតនៅលេខ២ មាន៣ពិន្ទុ ដោយឈ្នះ១ និងចាញ់១ ពីការប្រកួតចំនួន ២លើកកន្លងមក៕