ក្រុម Manchester City បានបរាជ័យក្រោមថ្វីជើងក្រុម Arsenal ក្នុងលទ្ធផល ២-០ នាការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ FA Cup ។ក្រោយពីចប់ការប្រកួតនោះទៅ លោក Pep អ្នកចាត់ការក្រុម Man City បានអះអាងថាសមាជិកទាំងអស់ត្រូវពង្រឹងស្មារតី និងបង្ហាញពីភាពខ្លាំងរបស់ខ្លួនឡើងវិញ។ ប្រសិនណាបើមិនធ្វើដូច្នេះទេ ការប្រកួតទល់ក្រុម Real Madrid នៅពេលខាងមុខ អាចនឹងទទួលបានលទ្ធផលមិនល្អនោះទេ បើទោះជាលេងក្នុងទឹកដីរបស់ខ្លួនក៏ដោយ។
រំលឹកថាការប្រកួតទល់ក្រុម Real Madrid នៅវគ្គ១៦ក្រុមចុងក្រោយជើងទី២ នឹងធ្វើឡើងនៅដើមខែកក្កដាឆ្នាំ២០២០ខាងមុខនេះ។ ក្រុម Man City ត្រូវការឈានទៅវគ្គបន្ដជាចាំបាច់ ព្រោះថាពួកគេនៅសល់តែពាន UEFA Champions League នេះមួយទៀតទេ ដែលត្រូវប្រកួតប្រជែងបាននារដូវកាលនេះ ៕