ក្រុម Real Madrid នឹងក្លាយជាជើងឯក La Liga រដូវកាលនេះ ប្រសិនបើពួកគេអាចយកឈ្នះលើក្រុម Villareal បាននៅយប់ថ្ងៃព្រហស្បតិ៍សប្ដាហ៍នេះ។
ការប្រកួត La Liga នៅសល់២ប្រកួតទៀតទើបចប់រដូវកាល។ ខណៈដែលក្រុម Real Madrid កំពុងដាច់ពិន្ទុក្រុម FC Barcelona ចំនួន៤ពិន្ទុទៅហើយ។ ដូច្នេះប្រសិនបើពួកគេអាចឈ្នះប្រកួតទី៣៧បានទៀត នោះនឹងក្លាយជាជើងឯកដោយស្វ័យប្រវត្តិហើយ មិនចាំបាច់អ៊ុតប្រកួតទី៣៨នោះទេ។
ជាមួយឱកាសឈ្នះពានច្រើននេះដែរ បើតាមក្លឹប Real Madrid បញ្ជាក់ថានឹងមិនមានកម្មវិធីហែទៅកាន់ Cibeles Fountain ដើម្បីអបអរជាមួយអ្នកគាំទ្រដូចរាល់ដងនោះទេ។ ការមិនធ្វើធំនេះដែរ គឺដោយសារតែក្រុមអធិរាជស បារម្ភខ្លាចមានការឆ្លងមេរោគ Covid-19 ទ្រង់ទ្រាយធំកើតឡើង នៅពេលមនុស្សរាប់ពាន់នាក់មកអបអរតាមដងផ្លូវ៕
ប្រភព MARCA
