Barcelona នៅតែបន្តក្តីសង្ឃឹមក្នុងការប្រជែងពាន LaLiga រដូវកាល ២០១៩/២០ ក្រោយពីបានយកឈ្នះ ១-០ ទៅលើ Espanyol នៅឯកីឡដ្ឋាន Camp Nou កាលពីយប់មិញ។
ក្រុមទាំងពីរបានដាក់សម្ពាធលើគ្នាទៅមក ដោយ Barcelona ស៊ុតបាន ១២ លើកសរុបចូលគោលដៅ ៤ លើក ខណៈ Espanyol ស៊ុត ១១ លើកចូលគោលដៅ ៣ លើក។ បានជាង ១០ នាទីក្រោយបើកតង់ទីពីរ អាជ្ញាកណ្តាលបានលើកក្រហមបណ្តាក់គ្នាឲ្យ Ansu Fati នៅនាទី ៥០ ហើយរំលង ៣ នាទីបន្ទាប់ផ្តល់ឲ្យ Pol Lozano ម្នាក់ទៀត។
លុះដល់នាទី ៥៦ គ្រាប់បាល់នាំមុខក៏បានកើតមានឡើង ក្រោមថ្វីជើង Luis Suarez ហើយបន្តរក្សាលទ្ធផលដល់បញ្ចប់ការប្រកួត។
ទស្សនាវីដេអូខាងក្រោម៖
បញ្ជាក់ថា ៣ ពិន្ទុរបស់ Barca បានរុញឲ្យពួកគេបន្ថយគម្លាតមកសល់ ១ ពិន្ទុធៀបនឹងក្រុមកំពូលតារាង Real Madrid (ខុសគ្នា ១ ជុំ) ដែលរុញឲ្យលទ្ធផលសម្រេចក្រុមឈ្នះពានកាន់តែអូសបន្លាយពេលអាចហួសពីជុំទី ៣៦៕