លោក Zidane អ្នកចាត់ការក្រុម Real Madrid បានបញ្ជាក់ថាក្រុមរបស់លោកមិនទាន់ឈ្នះពានរង្វាន់ ឬធានាថានឹងឈ្នះអ្វីនោះទេ ដូច្នេះសូមកុំរំពឹងខ្ពស់ខ្លាំងពេក។ក្រុម Real Madrid នឹងប៉ះក្រុម Getafe នៅម៉ោង៣រំលងអាធ្រាត្រនេះ ក្នុងការប្រកួតសប្ដាហ៍ទី៣៣នៃលីគកំពូលអេស្ប៉ាញ។ ប្រសិនណាបើពួកគេអាចឈ្នះប្រកួតនេះទៀតបាន នោះក្រុមអធិរាជស នឹងលើសពិន្ទុក្រុមលេខ២ Barcelona ដល់ទៅ៤ពិន្ទុហើយ។ ខណៈដែលការប្រកួតវិញក៏កៀកនឹងអស់ហើយដែរនារដូវកាលនេះ។
តែបើទោះជាយ៉ាងណាក្ដី សម្រាប់យោបល់លោក Zidane អ្នកចាត់ការក្រុមវិញ បានអះអាងថា Real Madrid មិនទាន់ឈ្នះពានរង្វាន់ណាមួយនោះទេ។ ការប្រកួតនៅសល់វែងឆ្ងាយទៀត ៦ប្រកួត ស្មើ១៨ពិន្ទុ។ សម្រាប់ម្ចាស់ពានរង្វាន់រដូវកាលនេះ នឹងត្រូវដឹងច្បាស់រហូតដល់ចប់លីគតែម្ដង មិនអាចទាយទុកមុនបានឡើយ។ ក្រុម Real Madrid ត្រូវតែត្រូវប្រឹងប្រែងជានិច្ចសម្រាប់ការប្រកួតនីមួយៗ៕