ការប្រកួត Premier League នឹងចាប់ផ្ដើមដំណើរការវិញហើយ ចាប់ពីរាត្រីនេះទៅ ដោយមាន២គូ គឺ Aston Villa ប៉ះ Sheffield United និង Arsenal ប៉ះ Manchester City ។
សម្រាប់ការវិលត្រលប់មកប្រកួតដើម្បីបញ្ចប់រដូវកាលនេះដែរ ក្រុមទាំងអស់នឹងមមាញឹកខ្លាំង ព្រោះកាលវិភាគជាប់គ្នាខ្លាំងពេក។ កត្តានេះហើយ ទើបបានជាមានអ្នកចាត់ការជាច្រើនបារម្ភថានឹងមានបញ្ហាកីឡាកររបួសច្រើននាក់កើតឡើង ពីការលេងជាប់គ្នាខ្លាំងនេះ។
ដោយលោក Pep Guardiola អ្នកចាត់ការក្រុម Man City ដែលត្រូវប្រកួតជាមួយក្រុម Arsenal នៅម៉ោង២:១៥នាទីរំលងអាធ្រាត្រនេះ បានបញ្ជាក់ថា៖ “យើងត្រៀមរួចហើយសម្រាប់ការលេង១ប្រកួត ប៉ុន្តែមិនមែន១ប្រកួតទៀតនៅ៣ថ្ងៃបន្ទាប់ និង១ប្រកួតទៀតនៅ៤ថ្ងៃបន្ទាប់នោះទេ។ រយៈពេល១១ថ្ងៃ យើងមាន៤ប្រកួត។ មិនមែនតែ City ទេ គឺក្រុមទាំងអស់។ យើងសម្រាកយូរ ហើយនេះជាហេតុផលដែលកីឡាករមិនទាន់សមខ្លួនឡើយ សម្រាប់ការប្រកួតញឹកគ្នាបែបនេះ។ ខ្ញុំសង្ឃឹមថាកីឡាករនឹងមិនមានបញ្ហារបួសច្រើនទៅចុះ”៕ប្រភព Dailymail