ខ្សែបម្រើប្រយុទ្ធ Willian បានបង្ហើបពីគម្រោងទៅលេងក្រោមការដឹកនាំរបស់លោក Jose Mourinho វិញ នៅពេលកុងត្រារបស់គេជាមួយ Chelsea អស់ត្រឹមរដូវកាលនេះ។
យោងតាម beIN Sports បានបញ្ជាក់ថា Willian នឹងមិនចាកចេញពីអង់គ្លេសនោះទេ ទោះផុតកុងត្រាជាមួយតោខៀវក៏ដោយ។ ការនិយាយបែបនេះ គឺក្រោយពីកីឡាករប្រេស៊ីល បង្ហើបថារូបគេនឹងទៅលេងឱ្យក្រុម Spurs ដែលមានលោក Jose Mourinho កំពុងដឹកនាំ។ Willian នៅតែគោរព និងចង់លេងក្រោមការដឹកនាំរបស់លោក Jose ដដែល ព្រោះពួកគេធ្លាប់ធ្វើការជាមួយគ្នាម្ដងរួចមកហើយ។
លោក Jose ធ្លាប់បង្ហាត់បង្រៀនដល់ Willian កាលពីលោកនៅដឹកនាំក្រុម Chelsea ពីឆ្នាំ២០១៣ដល់២០១៥។ នៅគ្រានោះ កីឡាករវ័យ៣១ឆ្នាំទទួលបានឱកាសលេងច្រើន និងមានភាពជិតស្និទ្ធជាមួយអ្នកចាត់ការខ្លាំងណាស់។ កត្តានេះហើយ បានជារូបគេចង់មកធ្វើការជាមួយគ្នាទៀត៕ប្រភព Dailymail
