ក្របខណ្ឌបាល់ទាត់នៅទ្វីបអឺរ៉ុបចាប់ផ្ដើមដាក់ផែនការដើម្បីត្រលប់មកប្រកួតវិញហើយ ដោយក្នុងនោះ Premier League ហាក់ដូចជាមានបញ្ហាច្រើនជាងគេ។
លីគកំពូលល្អបំផុតនៅលើលោកនេះ ត្រូវបានថ្នាក់ដឹកនាំរៀបចំការប្រកួតចង់ដំណើរការវិញ ប៉ុន្តែបើមើលទៅលើក្លឹបធំៗវិញហាក់មិនចង់ចូលលេងនៅពេលខាងមុខនេះទេ។ ពួកគេខ្លាចថា ការប្រកួតបាល់ទាត់ត្រលប់មកវិញនេះ អាចនឹងធ្វើឱ្យមេរោគ Covid-19 ផ្ទុះឡើងជាថ្មីម្ដងទៀត។
តែបើទោះជាប្រកួតឡើងវិញឬមិនប្រកួតឡើងវិញ បិទរដូវកាលត្រឹមនេះក៏ដោយ ក៏ខាង UEFA បានបញ្ជាក់ថាពានរង្វាន់ Premier League គួរតែឱ្យទៅខាង Liverpool ដដែល។ ក្រុមរបស់លោក Klopp នេះត្រូវការតែ២ប្រកួតទៀតប៉ុណ្ណោះដើម្បីបានក្លាយជាជើងឯក។ អ្នកគាំទ្ររបស់ក្រុមហង្សក្រហម ពិតជាចង់បានពានរង្វាន់នេះណាស់ ព្រោះពួកគេខកខានលើកវាអស់៣០ឆ្នាំមកហើយ៕ប្រភព Dailymail
