ថ្មីៗនេះ Karim Benzema បានបោះសម្តីបញ្ឈឺទៅលើ Olivier Giroud ថាកុំយកឡានប្រណាំង Formula 1 ទៅប្រៀបធៀបជាមួយនឹងឡានប្រណាំងរបស់ក្មេង ដែលចង់សំដៅថាខ្លួនជាឡានប្រណាំង F1 ដែលមានប្រៀបដាច់ឆ្ងាយ។
ជុំវិញរឿងរ៉ាវនេះ បានធ្វើឲ្យអ្នកគាំទ្រកីឡាករទាំងពីរផ្ទុះភាពរកាំរកូសលើបណ្តាញសង្គម ដោយគាំទ្រកីឡាករដែលខ្លួនស្រលាញ់រៀងខ្លួន។ ចុះបើប្រៀបធៀបឲ្យដាច់ពីស្ថិតិក្នុងរយៈពេល ១០ ឆ្នាំចុងក្រោយ តើខ្សែប្រយុទ្ធវ័យចាស់វស្សាទាំងពីរ មួយណាល្អជាងមួយណា?
តាមស្ថិតិចេញពី WhoScored បានបង្ហាញថាការប្រកួតក្នុងលីគសុទ្ធនៅ ១០ រដូវកាលចុងក្រោយការបង្ហាញខ្លួនរបស់ Benzema មាន ២៦២ លើកសរុប ដោយរកបាន ១៥៤ គ្រាប់ Assist ៧៦ លើក ស្ថិតិនាទីរៀងរាល់មួយគ្រាប់ ១៤៤,៥ ដែលសុទ្ធសឹងជាតួលេខយកឈ្នះ Giroud ទាំងអស់។
បើធៀបនឹង Giroud បង្ហាញខ្លួន ២០៦ ប្រកួត រកបាន ១១៣ គ្រាប់ Assist ៤១ លើក ស្ថិតិនាទីរៀងរាល់មួយគ្រាប់ ១៧០,៧ ហើយអ្វីដែលឈ្នះគឺចំនួនស៊ុតរៀងរាល់ ៩០ នាទី ដែល Giroud ធ្វើបាន ៣,៦ ជើង ខណៈគូប្រជែងបាន ៣,៤ ជើង។
ជារួមគឺស្ថិតិរបស់ Benzema មានប្រៀបជាង អ៊ីចឹងតើអ្នកយល់ស្របនូវសម្តីដែលខ្សែប្រយុទ្ធ Real Madrid បោះឌឺដងទៅខ្សែប្រយុទ្ធ Chelsea ខាងលើដែរឬទេ?
ប្រភព៖ AF