ក្រុមបិសាចក្រហម Manchester United គួរតែដាក់ខ្សែបម្រើBruno និង Pogba ឱ្យចូលលេងរួមគ្នានៅពេលការប្រកួតត្រលប់មកវិញ។ នេះបើតាមការយល់ឃើញរបស់ Jonathan Greening អតីតកីឡាករ Man Utd ម្នាក់។
Bruno ធ្វើបានល្អមែនទែន ចាប់តាំងពីរូបគេផ្លាស់មកលេងនៅ Old Traffrod កាលពីខែមករាកន្លងទៅ។ ស្របពេល Pogba វិញ ក៏ជាកីឡាករល្អម្នាក់ដែរ ប៉ុន្តែរដូវកាលនេះ រូបគេមិនសូវមានឱកាសបានលេងច្រើនឡើយ ដោយសារតែរបួសញ៉ាំញីខ្លាំងពេក។ យ៉ាងណាមិញ មកដល់ពេលនេះរបួសគេបានធូរស្បើយច្រើនហើយ ដូច្នេះនៅពេលការប្រកួតត្រលប់មកវិញ គឺអាចចូលលេងបាន។
វត្តមានរបស់ Pogba វិលចូលលេងវិញនេះ ត្រូវបាន Jonathan Greening យល់ឃើញថានឹងល្អមួយកម្រិតទៀតសម្រាប់ Man Utd ។ លោក Ole អាចប្រើប្រាស់ខ្សែបម្រើប្រយុទ្ធ២នាក់នេះបាន ដើម្បីធ្វើឱ្យក្រុមកាន់តែល្អឡើងមួយកម្រិតទៀត៕ប្រភព៖ Goal
