មានបណ្តាក្លឹបជាច្រើន មិនថាតែ Man Utd, Man City, Liverpool និង PSG បាននឹងកំពុងចាប់អារម្មណ៍ជាខ្លាំងទៅលើអ្នកចាំទី Gianluigi Donnarumma របស់ក្លឹប AC Milan ពោលគឺកំពុងចែចូវចង់ប្រជែងយកក្នុងពេលខាងមុខ។
កុងត្រារបស់ Donnarumma ត្រូវបញ្ចប់ជាមួយ AC នៅចុងរដូវកាល ២០២០-២១ ប៉ុន្តែក៏មានភាគរយច្រើនដែលរូបគេអាចនឹងចាកចេញនៅរដូវក្តៅឆ្នាំនេះ ឆ្លើយតបទៅនឹងភាពរកាំរកូសជាមួយនាយកប្រតិបត្តិក្នុងក្លឹប ដែលបង្ខំចិត្តកាត់បន្ថយកីឡាករដើម្បីសម្របសម្រួលដល់ផ្នែកហិរញ្ញវត្ថុ។
បញ្ជាក់ថាបុរសវ័យ ២១ ឆ្នាំ រដូវកាល ២០១៩/២០ នេះ បង្ហាញខ្លួនសរុប ២៤ លើកក្នុងនិងក្រៅក្របខ័ណ្ឌ ដោយរបូតគ្រាប់បាល់សរុប ៣៣ គ្រាប់និងទប់បាល់ Clean Sheet ចំនួន ១០ លើក៕
ប្រភព៖ AF