Paul Pogba ត្រូវបានគេប្រទះឃើញថាមានបង្ហោះវីដេអូអំឡុងពេលហ្វឹកហាត់ដាច់ដោយឡែកមួយជាមួយនឹងកីឡាករ Victor Lindelof ដោយកីឡាករបារាំងឃើញមានពាក់អាវរបស់ក្លឹប Juventus គ្រាពេលហ្វឹកហាត់នោះ។
ជៀសវាងការភ័ន្តច្រឡំផ្សេងៗ Pogba បានបញ្ជាក់តាមរយៈសារមួយភ្លាមៗ ខាងក្នុងវីដេអូថាខ្លួនពាក់អាវ Juventus ព្រោះចង់គាំទ្រលើកទឹកចិត្តដល់កីឡាករ Blaise Matuidi ដែលជាមិត្តរួមជម្រើសជាតិផងនិងអតីតមិត្តរួមក្រុមនៅ Juventus ផង ពោលគឺគ្មានអ្វីលើសពីនោះទេ។
ទស្សនាវីដេអូខាងក្រោម៖
View this post on Instagram
Matuidi បានក្លាយជាកីឡាករ Juventus ទីពីរ បន្ទាប់ពី Daniele Rugani ដែលបានផ្ទុកវីរុសកូវីដ១៩ កាលពីពេលថ្មីៗនេះ។ ស្ថានភាពនៅប្រទេសអ៊ីតាលីកំពុងប្រែជាវឹកវរខ្លាំង ខណៈដែលតួលេខអ្នកឆ្លងនិងបាត់បង់ជីវិតបានកើនឡើងជាបន្តបន្ទាប់ រហូតដល់ ១ ថ្ងៃមានលើសពីជាង ៣០០ នាក់ក៏មានដែលបានស្លាប់ដោយសារកូវីដ១៩៕