ក្រុមកីឡាករ Barcelona ត្រូវបានគេដឹងថាកំពុងមិនពេញចិត្តចំពោះកាយវិការ និងពាក្យសម្ដីស្ដីបន្ទោសរបស់លោក Sarabia ជំនួយការអ្នកចាត់ការ Setien ដែលស្ដីបន្ទោសពួកគេ ក្រោយចាញ់ជំនួប El Clasico ។
Sarabia បានស្ដីបន្ទោសទៅលើ Griezmann ក្រោយពីរូបគេប្ដូរចេញ ក្នុងការប្រកួតទល់ក្រុម Real Madrid កន្លងទៅ។ មិនត្រឹមតែបន្ទោសខ្សែប្រយុទ្ធបារាំងម្នាក់នេះទេ ជំនួយការម្នាក់នេះក៏បានបន្ទោសកីឡាករដទៃទៀត និងបញ្ចេញកាយវិការមិនសមរម្យទាល់តែសោះ ក្រោយពីចប់ការប្រកួតទៅ ក្នុងបន្ទប់ផ្លាស់សំលៀកបំពាក់។
កត្តាធ្វើការលើសតួនាទីនេះហើយ ទើបបានជាក្រុមកីឡាករមិនពេញចិត្តចំពោះបុគ្គលម្នាក់នេះនោះទេ។ ដោយសូម្បីតែមតិខាងក្រៅវិញ ក៏បញ្ជាក់ថាអ្វីដែលលោក Sarabia បានធ្វើ គឺលើសពីតួនាទីរបស់គេទៅហើយ៕ប្រភព៖ Marca