ក្រុម Liverpool នឹងអាចមិនបានលើកពានរង្វាន់ English Premier League នោះទេ ប្រសិនបើ FA ប្រកាសផ្អាកការប្រកួតដោយសារតែមេរោគ Corona រាតត្បាតខ្លាំង។
បច្ចុប្បន្ននេះទ្វីបអឺរ៉ុបកំពុងជួបបញ្ហាច្រើន ក្រោយពីប្រទេសអ៊ីតាលីផ្ទុះមេរោគ Corona ខ្លាំង បណ្ដាលឱ្យមានអ្នកស្លាប់ច្រើននាក់ និងឆ្លងជិត១ពាន់នាក់ទៅហើយ។ អង់គ្លេស ក៏មានករណីអ្នកឆ្លងដែរ ប៉ុន្តែមិនទាន់ដល់កម្រិតប្រកាសអាសន្ននៅឡើយទេ។ ដោយការប្រកួតបាល់ទាត់នានា នៅអាចបន្ដលេងបាន ប៉ុន្តែស្ថិតក្រោមការត្រួតពិនិត្យខ្លាំង។
ប្រសិនបើមិនអាចគ្រប់គ្រងការឆ្លងមេរោគនេះបានទៀតទេ ហើយអង់គ្លេសមានការឆ្លងច្រើនករណីបន្ដទៀត នោះ FA នឹងសម្រេចបិទការប្រកួតបាល់ទាត់សិនហើយ។ ក្នុងករណីនេះ បើសិនជាបិទការប្រកួតមែន នោះឱកាសរបស់ Liverpool ដែលចង់លើកពានឱ្យបានម្ដងនៅឆ្នាំនេះ ក្រោយខកខាន៣០ឆ្នាំហើយនោះ នឹងត្រូវរំសាយដូចគ្នា។ នេះជារឿងខកចិត្តខ្លាំងបំផុតហើយសម្រាប់ក្រុមហង្សក្រហម ប្រសិនបើអង់គ្លេសធ្វើបែបនេះមែន៕ប្រភព៖ Dailymail