នាចុងសប្តាហ៍ថ្ងៃទី ២២ កុម្ភៈ ឆ្នាំ ២០២០ នេះ ក្លឹប FC Barcelona នឹងត្រូវបើកកីឡដ្ឋានស្វាគមន៍ក្លឹប Eibar នៅជំនួបក្របខ័ណ្ឌ LaLiga មុនពេលត្រូវតតាំងក្លឹប Real Madrid នាថ្ងៃទី ២ មិនា ដែលជាជំនួបសំខាន់ Clasico ជើងទី ២ រដូវកាល ២០១៩/២០។
យ៉ាងណាមិញកីឡាករសំខាន់ ២ រូបរបស់អ្នកមានបុណ្យកំពុងប្រឈមខ្ពស់អាចនឹងអវត្តមាននៅប្រកួតទល់ Real Madrid ប្រសិនណាហ៊ានតែទទួលបានកាតលឿងចំនួន ១ ពីការប្រកួតនៅ Eibar នាចុងសប្តាហ៍នេះ។
ក្នុងនោះរួមមាន Clement Lenglet និង Samuel Umtiti ដែលអ្នកទាំងពីរកំពុងមានឈ្មោះនៅកាតលឿងទី ៤ រួចជាស្រេចហើយ ដូច្នោះប្រសិនទទួលកាតលឿងទី ៥ នៅប្រកួតប៉ះ Eibar ពួកគេនឹងត្រូវកាត់ឈ្មោះស្វ័យប្រវត្តិនៅ ១ ប្រកួតបន្ទាប់ [ទល់ Real Madrid]។
រំឭកថាចន្លោះពេលនោះ Barcelona ក៏ទទួលភារកិច្ចសំខាន់ត្រូវតតាំងទល់ក្លឹប Napoli នាវគ្គ ១៦ ក្រុមចុងក្រោយ UEFA Champions League ផងដែរ តែនៅ LaLiga ក៏ចាំបាច់ត្រូវប្រកួតប្រជែងយកតំណែងកំពូលតារាងថែមទៀត បែបនេះអាចនឹងជាស្មុគស្មាញសម្រាប់លោក Quique Setien ក្នុងការជ្រើសរើសកីឡាករជាខ្លាំង៕
ប្រភព៖ FoxSportAsia