Roberto Torres កីឡាកររបស់ក្រុម Osasuna បានបញ្ជាក់ថានៅលីគកំពូលអេស្ប៉ាញ ក្រុម Real Madrid នេះហើយគឺជាក្រុមល្អបំផុត។
Osasuna នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Real Madrid នៅម៉ោង១០យប់ថ្ងៃអាទិត្យចុងសប្ដាហ៍នេះ។ ត្បិតតែកាលពីពាក់កណ្ដាលរដូវកាលកន្លងទៅ ក្រុម Real Madrid បានបរាជ័យក្រោមថ្វីជើងក្រុម Real Sociedad ធ្លាក់ចេញពីពាន Copa del Rey ក៏ពិតមែន ប៉ុន្តែក្រុមរបស់លោក Zidane នេះ ធ្វើបានល្អណាស់ក្នុងការប្រកួត La Liga ដោយឈរនៅលេខ១ មាន៣ពិន្ទុ លើសក្រុម Barcelona ។
ជាមួយគ្នានេះដែរ កីឡាករ Torres របស់ក្រុម Osasuna បាននិយាយដូច្នេះដែរថា៖ “យើងដឹងថាពួកគេជាក្រុមល្អបំផុតនៅ La Liga ។ តារាងបានបង្ហាញវាហើយ ដូច្នេះប្រសិនបើយើងចង់បាន៣ពិន្ទុពីគេ យើងត្រូវតែធ្វើខ្លួនឱ្យបានល្អបំផុត។ ពួកគេគឺជាក្រុមមានការប្រយុទ្ធគ្រោះថ្នាក់បំផុត”៕ប្រភព៖ Marca
