តាមរបាយការណ៍ពី FCInterNews.it បានឲ្យដឹងថាកីឡាករ Dries Mertens ទំនងជានឹងទទួលនូវសំណើចង់បានរបស់ក្លឹប Inter Milan នៅលក្ខខណ្ឌឥតតម្លៃខ្លួន ប្រសិនគ្មានការចរចាជោគជ័យលើកុងត្រាថ្មីជាមួយក្លឹបឈរជើង Napoli ទេនោះ។
ខ្សែប្រយុទ្ធសញ្ជាតិបែលហ្សិក ត្រៀមផុតកុងត្រានៅ Stadio San Paolo នាបញ្ចប់រដូវកាល ២០១៩/២០ ហើយនាពាក់កណ្តាលខែមករាក៏អាចជាពេលដ៏សក្តិសមក្នុងការសម្រេចអនាគតរបស់គេ។
បើតាមដឹង Napoli ធ្លាប់ឲ្យប្រាក់ពលកម្ម ៤ លានអឺរ៉ូ និងប្រាក់ឧបត្ថម្ភ ១ លានអឺរ៉ូផ្សេងទៀតលើកុងត្រាថ្មី ២ ឆ្នាំ ប៉ុន្តែ Mertens ហាក់ស្ទាក់ស្ទើរព្រោះ Inter ឲ្យសរុបទាំងប្រាក់ពលកម្មនិងឧបត្ថម្ភដល់ទៅ ៦ លានអឺរ៉ូឯណោះក្នុងមួយឆ្នាំ។
គួររំឭកថាបុរសវ័យ ៣២ ឆ្នាំរកបាន ៩ គ្រាប់ហើយក្នុងការបង្ហាញខ្លួនសរុប ២២ ប្រកួត។ ក្រៅពីក្លឹបរួមលីគក៏មានក្លឹបអ្នកមានផ្សេងទៀតដូចជា Shanghai SIPG, Guangzgou R&F, Los Angeles Galaxy និង Inter Miami ជាដើមសុទ្ធសឹងចង់បានរូបលោក៕ ប្រភព៖ AF