ក្លិបបាល់ទាត់ភ្នំពេញក្រោនបានប្រកាសអំពីការចុះកុងត្រាយកកីឡាករសញ្ជាតិកូឡុំប៊ី Andres Nieto សម្រាប់ជួយក្លិបក្នុងពានរង្វាន់ Metfone Cambodian League រដូវកាល២០២០។
រូបគេលេងក្នុងតំណែងបម្រើប្រយុទ្ធហើយកីឡាករវ័យ២៣ឆ្នាំរូបនេះក៏ជាកីឡាករសញ្ជាតិកូឡុំប៊ីដំបូងគេមកលេងនៅលីគកំពូលកម្ពុជាផងដែរ។ Nieto បានចាប់ផ្តើមហ្វឹកហាត់បាល់ទាត់ចាប់តាំងពីអាយុ៥ឆ្នាំ ជាមួយក្លិប Ibague នៅស្រុកកំណើត។ ខណៈកីឡាករមកពីទ្វីបអាមេរិកឡាទីនរូបនេះ ក៏បានជំហ៊ានហ្វឹកហាត់ជាមួយសាលាបាល់ទាត់យុវជនថ្នាល Academia Toilimense ក្នុងនាមជាយុវជនថ្នាល មុនពេលវិវត្តិន៍ខ្លួនទៅជាកីឡាករអាជីពជាមួយក្លិប Deportes Tolima របស់កូឡ៉ំប៊ី។
បន្ទាប់មកបានធ្វើការចេញទៅប្រកបអាជីពនៅក្រៅស្រុកលើកដំបូងជាមួយក្លិប Real Frontera របស់ វ៉េណេស៊ុយអេឡា, Club 6 de Febrero, Atlético San Francisco និង O&M FC នៅសាធារណរដ្ឋដូមីនីកែន។
Andres Nieto គឺជាកីឡាករបរទេសទី២ដែលភ្នំពេញក្រោនចុះកុងត្រាសម្រាប់រដូវកាល២០២០ខាងមុខខណៈ Esoh Paul Mogba ដែលចុះកុងត្រាកាលពីប៉ុន្មានសប្ដាហ៍មុន៕
រូបភាព៖ភ្នំពេញក្រោន