ខ្សែការពារស្លាបជម្រើសជាតិថៃ Theerathon Bunmathan ត្រូវបានក្លិបជើងឯកលីគកំពូលជប៉ុន Yokohama F. Marino ចុះកុងត្រាផ្ដាច់លក្ខខណ្ឌខ្ចីជើងតែម្ដងសម្រាប់រដូវកាល២០២០ខាងមុខនេះបន្ទាប់ពីរូបគេបង្ហាញទម្រង់លេងល្អជួយក្លិបបានច្រើនពិសេសលើកពាន J-League 1ក្ដៅៗ។
សម្រាប់កុងត្រាដែលរូបគេទទួលបានគឺមានរយៈពេល៣ឆ្នាំហើយក្លិបទិញដាច់ពីក្រុម Maungthong United តែម្ដងមានតម្លៃ៣៥លានបាត។ចំណែកប្រាក់ឈ្នួលប្រចាំខែវិញកីឡាករជម្រើសជាតិថៃរូបនេះទទួលបាន១.២លានបាត(មួយលានពីរសែនបាត)ក្នុងមួយខែ។
Theerathon Bunmathan បានមកលេងនៅក្លិបក្នុងលីគជប៉ុនមួយនេះ២រដូវកាលមកហើយដោយរដូវកាល២០១៨លេងជាមួយក្លិប Vissel Kobe ហើយឆ្នាំ ២០១៩នេះលេងគឺត្រឹមលក្ខខណ្ឌខ្ចីជើងប៉ុណ្ណោះនៅYokohama F. Marino ប៉ុន្តែសម្រាប់រដូវកាល២០២០តទៅរូបគេលែងមានឈ្មោះជាកីឡាករខ្ចីជើងទៀតពោលគឺជាកីឡាករពេញសិទ្ធិរបស់ក្លិបម្ចាស់ជើងឯកលីគកំពូលជប៉ុនរដូវកាល២០១៩តែម្ដង៕