លោក Valverde បញ្ជាក់ថាក្រុម Barcelona បានដាក់គោលដៅយកពានរង្វាន់ UEFA Champions League ឱ្យបាននារដូវកាលនេះ។
ប្រកួតចុងក្រោយក្នុងពូល ក្រុម Barcelona បានយកឈ្នះលើក្រុម Inter Milan ក្នុងលទ្ធផល ២-១។ ពួកគេស្ថិតនៅកំពូលតារាង បានឡើងទៅវគ្គ១៦ក្រុមចុងក្រោយ ដោយមិនពិបាកនោះទេ។ លោក Valverde ដែលជាអ្នកចាត់ការក្រុមអ្នកមានបុណ្យបានអះអាងថាគោលដៅរបស់ក្រុមលោកនៅឆ្នាំនេះ គឺលើកពានរង្វាន់នេះឱ្យបាន។ វាមិនមែនជារឿងងាយស្រួលទេ ក្នុងការឈ្នះវា ប៉ុន្តែលោកមានទំនុកចិត្តខ្ពស់ថានឹងអាចធ្វើបាន។
ក្រុម Barcelona ខកខានឈ្នះពានរង្វាន់នេះប៉ុន្មានឆ្នាំមកហើយ ដោយ២រដូវកាលកន្លងមកនេះ សុទ្ធតែចុកចាប់នៅចាញ់ធ្លាក់ទាំងអស់ ដោយឈ្នះគេច្រើនគ្រាប់នៅដីខ្លួនឯងហើយ តែបែរជាភ្លាត់ក្រៅដីទៅវិញ។ ការធ្វើមិនបានល្អកន្លងមកនេះ ត្រូវបានលោក Valverde ឱ្យកូនក្រុមមើលជាគំរូនិងទុកជាមេរៀនសម្រាប់ប្រកួតខាងមុខ៕ប្រភព៖ Dailymail
7.jpg”>
