មានដំណឹងកំពុងល្បីមកថា ខ្សែប្រយុទ្ធ Cristiano Ronaldo នឹងចាកចេញពីក្រុម Juventus នៅចប់រដូវកាលនេះ ដើម្បីសម្រេចផ្ទេរទៅលេងនៅ Manchester United វិញ។
Ronaldo កំពុងមានបញ្ហាជាមួយអ្នកចាត់ការ Sarri ដោយសារតែរូបគេត្រូវប្ដូរចេញកាលពីប្រកួតកន្លងទៅនៅលីគកំពូលអ៊ីតាលី។ ដោយប្រកួតទល់ក្រុម AC Milan នោះ រូបគេប្ដូរចេញទាំងមិនសប្បាយចិត្ត ហើយក៏បានចាកចេញពីទីលានមុនចប់ការប្រកួតថែមទៀតផង។ កត្តានេះហើយ ទើបបានជាប្រភពនៅអ៊ីតាលី បញ្ជាក់ថាទំនាក់ទំនងរបស់លោក Sarri និងខ្សែប្រយុទ្ធព័រទុយហ្គាល់ម្នាក់នេះ មិនល្អនឹងគ្នាប៉ុន្មានទេ។
ពួកគេថែមទាំងបង្ហើបទៀតថារដូវកាលនេះ Juventus ចង់លើកពានរង្វាន់ UEFA Champions League ឱ្យបាន ប្រសិនបើមិនដូច្នេះទេ Ronaldo នឹងចាកចេញនៅចប់រដូវកាល ដើម្បីផ្ទេរទៅលេងនៅក្លឹបចាស់របស់ខ្លួន Man Utd វិញហើយ៕ប្រភព៖ Foxsportsasia