លោក Arsene Wenger ត្រូវបាន FIFA តែងតាំងជាប្រធានគម្រោងអភិវឌ្ឍបាល់ទាត់ពិភពលោក ក្រោយពីសម្រាកពីការងារអ្នកចាត់ការក្រុមប៉ុន្មានឆ្នាំមកនេះ។
អតីតអ្នកចាត់ការក្រុម Arsenal ១សប្ដាហ៍មុនមានទំនាក់ទំនងខ្លាំងថានឹងទៅដឹកនាំក្រុម Bayern Munich ដោយមានកុងត្រារហូតដល់ចប់រដូវកាលនេះ។ តែនៅម្សិលមិញនេះ ស្រាប់តែមានដំណឹងថ្មីមួយទៀតថា បុរសសញ្ជាតិបារាំងនេះ ទទួលការងារនៅសហព័ន្ធបាល់ទាត់ពិភពលោក FIFA ទៅហើយ។ ដោយលោក នឹងធ្វើជាប្រធានគម្រោងអភិវឌ្ឍបាល់ទាត់ពិភពលោក។
ការងាររបស់បុរសវ័យ៧០ឆ្នាំនេះ នឹងតម្រង់ទិញអភិវឌ្ឍបាល់ទាត់នៅតាមបណ្ដាប្រទេសដែលនៅមានកម្រិតទន់ខ្សោយ។ ហើយលោកក៏នឹងមានតួនាទីពិនិត្យឡើងវិញចំពោះច្បាប់នៃការប្រកួតនានា ដែលទាក់ទងទៅនឹងការអភិវឌ្ឍថ្នាលយុវជនដើម្បីអនាគតផងដែរ៕ប្រភព៖ Dailymail
