Real Madrid ត្រូវបានគេរាយការណ៍ថានឹងប្រើប្រាស់ James Rodriguez លើថ្នូរដោះដូរស្មើជាមួយ Pierre-Emerick Aubameyang ពីក្លឹប Arsenal នៅទីផ្សារដោះដូររដូវក្តៅឆ្នាំ ២០២០។
ក្លឹបយក្សនៅ LaLiga ព្យាយាមចង់ទាញយកខ្សែប្រយុទ្ធដ៏រឹងមាំមួយរូប ដែលអាចឈរជើងរយៈពេលយូរជំនួសវត្តមាន Karim Benzema ដែលមានវ័យកាន់តែក្រែលទៅហើយនោះ។
ប្រភពចុងក្រោយបានឲ្យដឹងថាទន្ទឹមពេលដែល Emery អាចមានភាគរយចាកចេញ នោះការជាប់ជម្រើសដំបូងរបស់ Aubameyang ក៏ទំនងជាចុះថមថយផងដែរ អ៊ីចឹងការចរចាយកអតីតកីឡាករនៅ Dortmund មក Real នឹងមានភាគរយច្រើន។
តាមតម្លៃខ្លួនរបស់គេអាចថ្លៃប្រហែល ៦៩ លានផោន ដែលសមល្មមនឹងការដោះដូរ James Rodriguez ប្រគល់ជូនម្ចាស់ដី Emirate Stadium វិញ។
បញ្ជាក់ថាក្លឹប Arsenal មានភាគរយខ្ពស់បំផុតប្រឈមបាត់បង់ Aubameyang និង Lacazette ប្រសិនណាក្លឹបមិនអាចដណ្តើមកៅអី Top 4 សារជាថ្មីនៅបញ្ចប់រដូវកាល ២០១៩/២០៕ ប្រភព៖ Sportsmole