ក្រុម Liverpool បានឈ្នះលើក្រុម Arsenal ដោយបាល់ប៉េណាល់ទី ៥-៤ ក្រោយពីស្មើគ្នា ៥-៥ ក្នុងពានរង្វាន់ League Cup កាលពីយប់មិញនេះ។
ត្បិតតែបានឡើងទៅវគ្គ៨ក្រុមចុងក្រោយពាននេះមែន ប៉ុន្តែលោក Klopp បានព្រមានថាក្រុម Liverpool នឹងមិនចូលលេងវគ្គបន្ដទេ ប្រសិនបើកាលវិភាគមិនរៀបចំឱ្យស្រួលបូល។ នៅវគ្គបន្ទាប់នៃពាន League Cup នេះ ត្រូវលេងនៅខែធ្នូខាងមុខនេះ ក្នុងពេល Christmas ។ ស្របពេលក្នុងខែនោះ ក្រុម Liverpool ក៏ត្រូវលេងពានរង្វាន់ FIFA Club World Cup ថែមទៀត ដែលសុទ្ធតែមមាញឹកខ្លាំង។
ដូច្នេះហើយ ទើបលោក klopp បញ្ជាក់ថាប្រសិនបើ League Cup លេងសប្ដាហ៍ជាមួយពានរង្វាន់ FIFA Club World Cup នោះ លោកនឹងជ្រើសរើសលេងតែមួយប៉ុណ្ណោះ គឺ FIFA Club World Cup ៕ប្រភព៖ dailymail
