ក្រុមបាល់ទាត់ជម្រើសជាតិអ៊ីតាលី បានឡើងទៅជុំផ្ដាច់ព្រ័ត្រEuro 2020 ហើយ ក្រោយពីយកឈ្នះលើក្រុមក្រិកក្នុងលទ្ធផល ២-០ កាលពីយប់មិញនេះ។ក្រុមអ៊ីតាលីលេងនៅវគ្គសន្សំពិន្ទុក្នុងពូលនេះ ពិតជាល្អខ្លាំងមែនទែន ដោយ៧ប្រកួតរបស់ពួកគេឈ្នះទាំង៧ប្រកួតតែម្ដង និងរបូតគ្រាប់បាល់តែ៣គ្រាប់ប៉ុណ្ណោះ។ ជាមួយការឈ្នះគ្រប់ប្រកួតនេះដែរ ពួកគេក៏បានឆក់ឱកាសឡើងទៅជុំផ្ដាច់ព្រ័ត្រដោយស្វ័យប្រវត្តិបានថែមទៀត ទោះជានៅសល់ប្រកួតក្នុងដៃ៣ប្រកួតទៀតក៏ដោយ។
លោក Roberto Mancini គ្រូបង្វឹកក្រុមជម្រើសជាតិអ៊ីតាលី បាននិយាយក្រោយចប់ការប្រកួតថានេះជាការចាប់ផ្ដើមដ៏ល្អសម្រាប់អ៊ីតាលី ដែលអាចឡើងទៅវគ្គផ្ដាច់ព្រ័ត្របាន។ ត្បិតតែយើងមិនទាន់ឈ្នះអ្វីមែន ប៉ុន្តែការឡើងទៅជុំផ្ដាច់ព្រ័ត្រគឺជាគោលដៅមួយដែលក្រុមត្រូវធ្វើឱ្យបាន។ ខណៈដែលពេលនេះ អ៊ីតាលីបានធ្វើវាសម្រេច ដោយសល់៣ប្រកួតក្នុងដៃទៀត៕
