អតីតកីឡាករលោក Diego Forlan បានបង្ហាញការយល់ឃើញថាផ្អែកតាមទម្រង់លេងរបស់ក្លឹប Atletico Madrid នាពេលបច្ចុប្បន្ន គឺមានភាពកាន់តែប្រកៀកប្រកិតជាមួយនឹងក្លឹប Real Madrid/Barcelona ហើយ បើនិយាយពីការប្រកួតប្រជែងនៅតារាង LaLiga រដូវកាល ២០១៩/២០។
ប្រាប់សារព័ត៌មាន លោក Forlan ប្រាប់ថា៖ “ពិតណាស់ដែលក្លឹបចាស់របស់ខ្ញុំ [At Madrid] អាចមានឱកាសប្រជែងពានរដូវកាលនេះ ដោយយើងដឹងហើយថា Real Madrid/Barcelona មានកីឡាករល្អៗ តែពេលនេះសម្រាប់ Atletico Madrid ក៏ដូចគ្នា សោតយ៉ាងដូចជា Joao Felix និង Diego Costa នេះជាដើម”។
លោកបានសង្កត់ធ្ងន់៖ “ជាងនេះពួកគេក៏បានបន្តកុងត្រាឲ្យកីឡាករវ័យក្មេងមានជំនាញជាច្រើន ហើយកាលប្រកួតត្រៀមបើករដូវកាល At ក៏ធ្វើបានល្អថែមទៀត ជាពិសេសគឺជំនួប Madrid Derby ត្បិតជាប្រកួតមិត្តភាព តែលទ្ធផលដ៏មិនគួរឲ្យជឿក៏បានកើតឡើង [៧-៣]។
បញ្ជាក់ថានៅតារាង LaLiga សព្វថ្ងៃ At ឈរកំពូលតារាងមាន ៩ ពិន្ទុ ខណៈ Real Madrid មាន ៥ ពិន្ទុឈរនៅលេខ ៥ ហើយ Barcelona ឈរដាច់ឆ្ងាយដល់លេខ ៨៕ ប្រភព៖ AF