តាមសារព័ត៌មាន Diario Gol បានចុះផ្សាយថាក្រោយការទទូចចង់ដំឡើងថ្លៃពលកម្មរបស់ Karim Benzema ពេលនេះបានទទួលចម្លើយចេញពី Florentino Perez ហើយ ពោលគឺលោកបានបដិសេធមិនយល់ព្រមនោះឡើយ។
Benzema ដែលសព្វថ្ងៃទទួលបាន ៣២០ ០០០ អឺរ៉ូ/សប្តាហ៍ ដែលតម្លៃនេះធៀបនឹង Bale រកបានដល់ ៥៣៨ ០០០ អឺរ៉ូ/សប្តាហ៍ ស្របពេលអ្នករកបានខ្ពស់បំផុតគឺ Eden Hazard បាន ៦០០ ០០០ អឺរ៉ូ/សប្តាហ៍។
បែបណាមិញ Bezema នៅតែមិនអាចយកឈ្នះលើថ្លៃពលកម្មរបស់ Luka Jovic Toni Kroos និង Luka Modric ជាដើមសុទ្ធសឹងរកបានខ្ពស់ជាងកីឡាករសញ្ជាតិបារាំងរូបនេះទាំងអស់។
បញ្ជាក់ថាកាលពីរដូវកាលចាស់ Benzema រកបាន ២១ គ្រាប់ក្នុងការបង្ហាញខ្លួន ៣០ ប្រកួតសរុប ក្រោយពេលដែល Ronaldo បានចាកចេញទៅ។ ប្រភព៖ FoxSportAsia