ក្រុម Liverpool ជាអ្នកបើកការប្រកួតលីគកំពូលអង់គ្លេសមុនគេ ដោយប្រកួតជាមួយក្រុម Norwich ដោយទទួលបានជ័យជម្នះក្នុងលទ្ធផល ៤-១។
ការប្រកួតមួយនេះហាក់មិនពិបាកសម្រាប់ក្រុមហង្សក្រហមទេ ដោយគ្រាន់តែតង់ទី១ពួកគេរកបាន៤គ្រាប់ទៅហើយ។ ៤គ្រាប់នេះដែរ ធ្វើបានសម្រេចដោយ ការធ្វើចូលទីខ្លួនឯងរបស់ Grant Hanley ១គ្រាប់ Salah ១គ្រាប់ Van Dijk ១គ្រាប់ និង Origi ១គ្រាប់។ ខណៈដែលខាង Norwich វិញ រកបានដោយ Teemu Pukki ។
តែបើមើលជារួមសម្រាប់ការប្រកួតនេះវិញ ក្រុមរបស់លោក Klopp ហាក់មិនសំណាងនោះទេ ដោយមានកីឡាករសំខាន់ម្នាក់រងរបួសគឺ Alisson អ្នកចាំទីដៃទី១របស់ក្រុម។ របួសនេះបានធ្វើឱ្យអ្នកចាត់ការក្រុមមានក្ដីបារម្ភជាខ្លាំង ព្រោះកីឡាករប្រេស៊ីលរូបនេះជួយក្រុមបានច្រើនមែនទែន ពីបាល់គ្រោះថ្នាក់៕ប្រភព៖ Dailymail