យោងតាមរបាយការណ៍ថ្មីមួយបានឱ្យដឹងថា Manchester United បើកចំហរក្នុងការលក់កីឡាករពួកគេដ៏ធំសម្បើមមួយនៅរដូវក្តៅនេះដោយមានតែកីឡាករតែ 3 នាក់ប៉ុណ្ណោះមិនស្ថិតក្នុងបញ្ជីនេះ។
ម្ចាស់ភាគហ៊ុនថ្មីរបស់ក្លឹបដែលដឹកនាំដោយសហម្ចាស់លោក Sir Jim Ratcliffe និងនាយកប្រតិបត្តិថ្មី Omar Berrada ត្រូវបានរៀបចំយ៉ាងធំសម្បើមនឹងការចាកចេញដ៏មានសក្តានុពលនៅចុងបញ្ចប់នៃរដូវកាលនេះ។
Man United បានខកខានក្នុងការប្រកួតក្របខ័ណ្ឌ Champions League នៅរដូវកាលក្រោយក្នុងការប៉ះទង្គិចយ៉ាងសំខាន់ចំពោះផែនការរបស់ INEOS សម្រាប់ការផ្លាស់ប្តូរដ៏ច្រើនសន្ធឹកសន្ធាប់ និងអនាគតរបស់កីឡាករជាច្រើនរូបរបស់ពួកគេ ក៏ដូចជាគ្រូបង្វឹក Erik ten Hag ដែលកំពុងតែមានជម្លោះនាពេលថ្មីៗនេះនៅតែមានភាពមិនច្បាស់លាស់។
របាយរាយការណ៍ថាការលក់ Rashford គឺជាជម្រើសទីមួយ។ គេរំពឹងថាជាមួយនឹង ១០០ ភាគរយនៃប្រាក់ចំណេញពីការផ្ទេរជម្រើសជាតិអង់គ្លេសម្នាក់នេះនឹងឆ្ពោះទៅរកការអនុលោមតាមបទប្បញ្ញត្តិរបស់ FFP ដែលអាចអោយក្លឹបមានប្រាក់ស្វែងកីឡាករថ្មី។ ក្លឹបត្រូវបានគេជឿថាចង់ចុះហត្ថលេខាលើខ្សែប្រយុទ្ធថ្មី ខ្សែបម្រើកណ្តាល និងខ្សែការពារស្តាំ ប៉ុន្តែប្រហែលជាមិនអាចចំណាយប្រាក់ច្រើនដូចកាលពីប៉ុន្មានឆ្នាំថ្មីៗនេះទេ ទើបក្លឹបដាច់ខាតត្រូវតែរុះរើកីឡារចាស់ៗចេញ។
Paris Saint-Germain ដែលបានពិភាក្សាជាមួយអ្នកតំណាងរបស់ Rashford កាលពី ២ឆ្នាំមុន គឺជាក្លឹបមួយក្នុងចំណោមក្លឹបផ្សេងទៀតដែលអាចមានលទ្ធភាពក្នុងតម្លៃ ៧៥លានផោនបានយ៉ាងពិតប្រាកដ ស្របពេលពួកគេកំពុងសម្លឹងរកអ្នកជំនួស Kylian Mbappe ។
សារព័ត៌មាន The Telegraph បានរាយការណ៍ថា កីឡាករតែបីនាក់ប៉ុណ្ណោះគឺ Kobbie Mainoo, Alejandro Garnacho និង Rasmus Hojlund ត្រូវបានរួចផុតពីការុះរើដ៏ធំមួយនេះ។ Man United សង្ឃឹមថានឹងកសាងក្រុមដ៏ខ្លាំងមួយដោយយុវជនទាំង៣នាក់នាពេលអនាគត។
ប្រភព បរទេស