ខ្សែប្រយុទ្ធ Neymar ថានឹងមិនលេងឱ្យក្រុម PSG ម្ដងទៀតទេ បើទោះជាបច្ចុប្បន្ននេះរូបគេកំពុងហ្វឹកហាត់ជាមួយសមាជិកក្រុមដទៃទៀតក៏ដោយ។
កីឡាករវ័យ២៧ឆ្នាំកំពុងមានទំនាក់ទំនងផ្លាស់ទៅលេងនៅក្លឹប Barcelona វិញ ប៉ុន្តែក្លឹប PSG បានប្រាប់គេថាមិនអាចទៅណាបានទេ ប្រសិនបើគ្មានក្លឹបដាក់តម្លៃសមរម្យនោះ។ ប្រភព Sport បានបញ្ជាក់ថាបច្ចុប្បន្ននេះ Neymar ហ្វឹកហាត់ជាមួយក្រុមជាធម្មតាមែន ប៉ុន្តែកីឡាកររូបនេះនឹងមិនលេងប្រកួតណាមួយឱ្យ PSG ឡើយ ព្រោះរូបគេចង់ជំរុញឱ្យការផ្ទេរកើតមានឆាប់ៗមុនរដូវកាលទីផ្សារដោះដូរកីឡាករបិទបញ្ចប់។
ក្រុម PSG ចង់លក់ Neymar ចេញនៅរដូវក្ដៅខាងមុខនេះវិញ ដោយចង់ឱ្យកីឡាករប្រេស៊ីលនេះលេងនៅ បារាំងមួយរដូវកាលទៀតសិន។ តែសាមីខ្លួន ហាក់បង្ហាញភាពលែងចង់បន្ដនៅ PSG ទៀតហើយ ដោយធ្វើយ៉ាងណា ឱ្យការផ្ទេរកើតឡើងឆាប់ៗ៕ប្រភព៖ Dailymail