ក្រុម Spurs បានលើកពានរង្វាន់ Audi Cup ហើយកាលពីយប់មិញនេះ ក្រោយពីយកឈ្នះក្រុម Bayern Munich ក្នុងលទ្ធផលទាត់ប៉េណាល់ទី ៦-៥ ក្រោយស្មើគ្នាម៉ោងលេង ២-២។
ត្បិតតែជាការប្រកួតមិត្តភាពមែន ប៉ុន្តែក្រុម Spurs និង Bayern Munich ធ្វើឱ្យអ្នកគាំទ្រសប្បាយនឹងទស្សនាខ្លាំងមែនទែន ដោយសារតែមានគ្រាប់បាល់ច្រើន ហើយក្រុមទាំងពីរបុកគ្នាខ្លាំងថែមទៀត។ លទ្ធផលម៉ោងប្រកួត ស្មើគ្នាស ២ទល់នឹង២ ត្រូវឱ្យពួកគេត្រូវទាត់បាល់កាត់សេចក្ដី១១ម៉ែត្រ ដើម្បីស្វែងរកក្រុមលើកពានរង្វាន់តែម្ដង។ ជាចុងបញ្ចប់ ក្រុម Spurs បានក្លាយជាជើងឯក ដោយឈ្នះ Bayern ក្នុងលទ្ធផល ៦-៥។
នេះជាការលើកពានរង្វាន់មួយសម្រាប់ក្រុម Spurs ដែលនឹងធ្វើឱ្យពួកគេកាន់តែមានកម្លាំងចិត្តក្នុងការប្រកួតប្រជែងពានរង្វាន់ English Premier League នារដូវកាលថ្មីដែលនឹងចាប់ផ្ដើមឆាប់ៗនេះ៕ប្រភព៖ Dailymail
.