លោក Jurgen Klopp អស់សំណើចចំពោះការរិះគន់ដែលក្រុម Liverpool ចាញ់ទាំង៤ប្រកួតកន្លងមក ក្នុងការប្រកួត Pre Season ត្រៀមបើករដូវកាលនេះ។
ក្រុមហង្សក្រហម បានចាញ់ក្រុម Napoli ៣-០ ក្នុងការប្រកួតមិត្តភាពយប់មិញនេះ ហើយនេះក៏ជាបរាជ័យលើកទី៤ ជាប់គ្នារបស់ក្រុម Liverpool ក្នុងដំណើរមិត្តភាពត្រៀមបើករដូវកាលផងដែរ។ តែទោះជាយ៉ាងនេះក្ដី លោក Klopp មិនបារម្ភនោះទេ សម្រាប់លទ្ធផលនេះព្រោះវាគ្រាន់តែជាការប្រកួតមិត្តភាពប៉ុណ្ណោះ កីឡាករលេងមិនប្រឹងអស់១០០%នោះទេ។
“ខ្ញុំមិនដែលធ្លាប់ធ្វើការប្រកួតមិត្តភាពដោយគ្មានកីឡាករសំខាន់៦នាក់នោះទេ វាពិតជាប្លែកណាស់។ Shaqiri និង Keita បានមកហ្វឹកហាត់ជាមួយក្រុមវិញ ពួកគេនឹងចូលជុំគ្នាជាមួយ Salah Alisson និង Firmino នៅថ្ងៃស្អែក។ នេះជារឿងល្អដែលកីឡាករ៥នាក់ត្រលប់មកវិញ ក្នុងចំណោមកីឡាករ៦នាក់ដែលសម្រាក”។ សម្ដីលោក Klopp ។
រំលឹកថា Liverpool នឹងមានភារកិច្ចធំលេងពាន Community Shield ជាមួយក្លឹបជើងឯកឆ្នាំចាស់ Manchester City នៅថ្ងៃទី ៤ ខែ សីហាខាងមុខ៕ប្រភព៖ Dailymail
