ថ្មីៗនេះមានរបាយការណ៍ថា Atletico Madrid កំពុងពុះកញ្រ្ជោលចង់នាំយកតារាឆ្នើម Christian Eriksen មកចូលរួមនៅក្លឹបរបស់ខ្លួននារដូវកាលក្រោយ។ រំលងបានប៉ុន្មានម៉ោង AS ក៏ចុះផ្សាយថាកិច្ចចរចារវាងនាយកជាន់ខ្ពស់នៃភាគីទាំងសងខាងកំពុងដំណើរការទៅបានយ៉ាងសម្ងាត់។
ប្រភពសង្កត់ធ្ងន់ថាមាន់ខ្នាយមាសបានដាក់តម្លៃខ្លួន Eriksen ថ្លៃចន្លោះពី ៦០ ទៅ ៧០ លានផោន។ នេះជាតម្លៃខ្ពស់ជាងការនាំចូលប្រមាណ ៥ ទៅ ៦ ដង ដោយកាលពីឆ្នាំ ២០១៣ ក្លឹបបានទិញយកបុរសវ័យ ២៧ ឆ្នាំចេញពីក្លឹប Ajax នៅតម្លៃ ១២ លានផោនតែប៉ុណ្ណោះ។
ប៉ុន្តែចូលដល់ឆ្នាំ ២០១៦ រូបគេក៏បានបន្តកុងត្រាថ្មី ដែលត្រូវផុតនៅចុងរដូវកាល ២០១៩/២០។ សព្វថ្ងៃ At ក៏បម្រុងនឹងរបូត Angel Corrrea ឲ្យទៅ Milan ព្រោះល្ហិចល្ហៀងថាក្លឹបអ៊ីតាលីត្រូវប៉ាន់ជាមួយកីឡាកររូបនេះយូរហើយ បែបនេះប្រសិន Correa ដើរចេញ នោះក្លឹបចាំបាច់ត្រូវពង្រឹងប្រព័ន្ធប្រយុទ្ធអាចជាយក James Rodriguez ជាមួយការបង្គ្រប់ពី Eriksen ផ្ទាល់តែម្តង។ ប្រភព៖ Mirror