ក្លឹបសេដ្ឋីបារាំង Paris Saint-Germain បានព្រមព្រៀងក្នុងការចុះហត្ថលេខាលក់ចេញកីឡាករ Christopher Nkunku ឲ្យទៅក្លឹប RB Leipzig នៅតម្លៃខ្លួនប្រមាណ ១៥ លានអឺរ៉ូ។
យុវជនវ័យ ២១ ឆ្នាំបានព្រមព្រៀងលើកុងត្រារយៈពេល ៥ ឆ្នាំជាមួយក្លឹបនៅលីគកំពូល Bundesliga របស់អាល្លឺម៉ង់ ក្រោយបរាជ័យចាប់តំណែងនៅជម្រើស ១១ នាក់ដំបូងជាមួយប៉ារីស។ ខ្សែបម្រើវ័យក្មេងរូបនេះបានបង្ហាញខ្លួន ២២ លើកគត់ក្រោមការដឹកនាំដោយលោក Thomas Tuchel ដោយមាន ១៣ លើកបានជាប់ជម្រើសដំបូង។
អំឡុងការមកដល់ Leipzig រូបគេបាននិយាយថា៖ “ខ្ញុំបានដឹងលឺជាច្រើនអំពីក្លឹប និងសម្រាប់ការលេងនៅទីនេះគឺសក្ដិសមសម្រាប់ខ្ញុំបំផុត ហើយខ្ញុំក៏បានស្គាល់មិត្តរួមក្រុមមួយចំនួននៅទីនេះស្រាប់មានដូចជាការធ្លាប់លេងជាមួយ Jean-Kevin Augustin នៅប៉ារីសនិង Dayot Upamecano និង Nordi Mukiele នៅបារាំង”។ ប្រភព៖ Sportskeeda