ថ្លែងពីអតីតអ្នកចាត់ការក្រុមជម្រើសជាតិប្រេស៊ីលលោក Georges Leekeens បាននិយាយថាការចាកចេញពី Old Trafford សម្រាប់ Romelu Lukaku មិនមែនជាភាពភ័យខ្លាចអ្វីទាំងអស់។
Inter ជាទ្រនំថ្មីដែលត្រូវបានគេមើលឃើញថានឹងអាចនាំយកកីឡាករវ័យ ២៦ ឆ្នាំចេញពីបិសាចក្រហម ដោយលទ្ធផលផ្លូវការអាចនឹងប្រកាសនៅអំឡុងសប្តាហ៍នេះ ក្រោយបញ្ចប់ប្រកួតមិត្តភាពយកឈ្នះលើ Perth Glory នៅលទ្ធផល ២-០។
ប្រាប់ The Mirror លោកនិយាយថា៖ “គេជាកីឡាករអស្ចារ្យមួយរូប ប៉ុន្តែការផ្លាស់ប្តូរគ្រូថ្មីនៅ United ក៏នៅតែមិននាំផ្លែផ្កាសម្រាប់ Lukaku នោះដែរ ដោយពេលលេងឲ្យបែលហ្សិកមើលទៅដូចត្រូវបានដោះលែង បែបនេះគេលេងបានល្អនិងស៊ុតបញ្ចូលទីនៅប្រកួតកន្លងមក”។
លោកបន្តថា៖ “គាត់ត្រូវការទំនុកចិត្ត ត្រូវការមានអារម្មណ៍ថាក្លឹបត្រូវការគាត់ ឥឡូវខ្ញុំគិតថាដល់ពេលសមល្មមសម្រាប់ Lukaku ទៅចូលរួមនៅអ៊ីតាលី និងជាការបង្ហាញថាគាត់មិនខ្លាចអ្វីទាំងអស់សម្រាប់ការចែកផ្លូវជាមួយក្លឹប”។ នេះបើតាមការបញ្ចប់ដោយអតីតគ្រូចាស់ដឹកនាំបែលហ្សិកចន្លោះឆ្នាំ ២០១០-២០១២។ ប្រភព៖ Sportskeeda