អនាគតរបស់ Philippe Coutinho ហាក់នៅរងមន្ទិលសង្ស័យ ដោយសូម្បីតែភ្នាក់ងាររត់ការឲ្យកីឡាករប្រេស៊ីលរូបនេះផ្ទាល់ក៏ទំនងជាមិនសូវទុកចិត្តលើការសម្រេចចិត្តរបស់ក្លឹប FC Barcleona ប៉ុន្មាននោះដែរ។
រូបគេជាប់ពាក់ព័ន្ធនឹងដំណឹងនៃការវិលត្រលប់មកវិញរបស់ Neymar សម្រាប់រដូវកាល ២០១៩/២០ ប៉ុន្តែចំពោះរឿងរ៉ាវនេះក៏ត្រូវភ្នាក់ងារលោក Kia Joorabchian បាននិយាយថា៖ “អ្នកចាត់ការទូទៅលោក Pep Segura ប្រាប់ខ្ញុំថាពួកគេនឹងមិនលក់ Coutinho ទេ ហើយខ្ញុំទៅសួរប្រធានក្លឹបសប្តាហ៍មុនគាត់ក៏ឆ្លើយអ៊ីចឹងដូចគ្នា ពោលគឺថាមិនមានបំណងលក់ចេញ Coutinho ឲ្យទៅក្លឹបណាមួយឡើយ”។
បន្តប្រាប់ RMC Sport លោកសង្កត់ធ្ងន់៖ “ក្រោយមក យើងក៏សម្រេចចិត្តមិនបើកការចរចាអ្វីទាំងអស់ បែបនេះទើប Coutinho គេមិនទទួលបានសំណើណាមួយ យ៉ាងណាមិញអ្នកពិគ្រោះរបស់ Barcelona លោក Andre Cury បែរជាឆ្លើយផ្ទុយថា Barcelona លៃលក Coutinho ក្នុងការចរចាយក Neymar ចេញពី PSG”។
“ខ្ញុំមានតែស្ងាត់ស្ងៀមនៅពេលនេះ ប៉ុន្តែខ្ញុំនឹងមិនអនុញ្ញាតឲ្យ Barcelona កុហកខ្ញុំពីរឿងនេះទេ ពួកគេត្រូវនិយាយប្រាប់ខ្ញុំដោយត្រង់ថាចង់ឲ្យ Coutinho ចាកចេញឬអត់ ត្រូវតែ និយាយ ហើយយើងនឹងពិចារណាជុំវិញជម្រើសអនាគតល្អបំផុតសម្រាប់គេ”។ ប្រភព៖ Soccerladuma
